Korrikan parte hartu genuen

Korrikaren azken edizioan, Aita Menni Ahizpa Ospitalarioak-ek bere ibilbide propioa antolatu zuen Gipuzkoako eta Bizkaiko zentro guztietatik, irteera eta helmuga Arrasateko Aita Menni Ospitalea izanik.

Lehen etapan, martxoaren 31n, lekukoa Gesalibarko Ospitaletik Arrasateko Uribe auzora joan zen, eta Adinekoen Eguneko Zentroan jaso zuten.

Arrasateko Eguneko Zentroa

Handik Bergara eta Soraluzeko eguneko zentroetara igaro zen, apirilaren 1ean.

Bergarako Eguneko Zentroa

Soraluzeko Eguneko Zentroa

Larunbatean, hilak 2, Oñatiko San Martin Egoitzara iritsi zen lekukoa, eta bertako egoiliarrek eta erabiltzaileek eraman zuten instalazioetan zehar.

Oñatiko San Martin Egoitza

Apirilaren 8an, Aita Menniren Gipuzkoako eta Bizkaiko osasun mentaleko eta kalte zerebraleko zentroetan hainbat egunez ibili ondoren, Txurdinagabarri Egoitzak hartu zuen lekukoa, Bilbon. Hor, langileek eta egoiliarrek parte hartu zuten, zentroko beheko solairuan “Hitzekin” abestiaren erritmora egindako ibilbide alaian.

Bilboko Txurdinagabarri Egoitza

Txanda hartu zuen adinekoen azken zentroa Durangoko Joxe Miel Barandiaran Egoitza izan zen, eta hara iritsi zen lekukoa apirilaren 9an, larunbatean, Arrasateko Gesalibarrera itzuli aurretik.

Durangoko Joxe Miel Barandiaran Egoitza

 

 

 

 

 

 

Tagged with: , , , , , ,
Posted in Aita Menni