Hortoterapia eta sukaldaritza tailerra, Arrasateko Adinekoen Eguneko Zentroaren jarduera berriak

Arrasateko Aita Menni Adinekoen Eguneko Zentroan gure aitona-amonentzat atseginak diren jarduera berriak egiteko lanean jarraitzen dugu. Sartu ditugun azken biak hortoterapia eta sukaldaritza tailerra dira, interes handiarekin jaso direnak.

Hortoterapiaren jardueraren helburu nagusia inguruaren zainketa sustatzea eta erabiltzaileengan emozio eta oroitzapen atsegingarriak sortzea da. Jarduera honen bidez, erabiltzaileek zenbait barazki eta belar aromatiko landatzen dituzte eta haien hazkuntzaz, inausketaz, garbiketaz eta biltzeaz arduratzen dira. Lan horiek guztiak lankidetza-, komunikazio- eta harreman-giro batean egiten dira kideen artean.

Ortua ongi kontrolatzeko eta zaintzeko jarduera-taldeak eta lanen egutegi bat sortu da, eta erabiltzaile bakoitzak bere lana amaitutakoan sinatu egin behar du.

Horrela, hazten joan izan diren barazkiak sukaldaritza tailerraren errezetetarako erabiltzen ari dira, parte-hartzaileen autoestimua eta gaitasuna indartzeko.

Sukaldaritza tailerraren helburu nagusia eguneroko bizitzako tresnazko jarduerak egin ditzatela sustatzea da, hala nola janaria prestatzea eta erabilitako tresnak garbitzea. Asmoa da haien autoestimua sustatzea, gaitasun kognitiboak mantentzea eta haien gaitasunak indartzea; hori guztia giro atsegingarri batean.

Errezetak egiteko, parte-hartzaileek erosketaren zerrenda egin eta auzoko dendara joaten dira zentroko laguntzaile batekin osagaiak erostera.

Errezeta egin ondoren erabiltzaileek aperitibo gisa dastatzen dute egindako errezeta bazkaldu aurretik.

Bi jardueretan parte hartzea borondatezkoa da eta zentroko taldeak adosten du.

Posted in Aita Menni