FEAFVk omenaldia egin die bere erreminiszentzia tailerretako adinekoei

Vídeo de homenaje a los talleres de reminiscencia y fútbol

Futbolari Beteranoen Elkarteen Espainiako Federazioak (FEAFV), urriaren 1a Adinekoen Nazioarteko Eguna dela eta, futbolean oinarritutako erreminiszentzia tailerretan parte hartu duten pertsona guztiak omendu nahi izan ditu.

Bilboko Txurdinagabarri Egoitzak funtsezko rola jokatu zuen ekimen horren garapenean, bera izan baitzen, 2015ean, futbolean oinarritutako erreminiszentzia tailerraren behin betiko formatua praktikan jarri zuen lehen zentroa —Bartzelonan eta Valentzian bi esperientzia pilotu egin eta gero—, eta gaur egun ere praktikan jartzen jarraitzen du. Ondoren, Aita Mennik kudeatutako beste zentro batzuk gehitu zitzaizkion Txurdinagabarriri, hala nola Durangoko Joxe Miel Barandiaran Egoitza, Oñatiko San Martin Egoitza, Arrasateko Adinekoen Eguneko Zentroa edo Donostiako Kalte Zerebraleko Eguneko Zentroa. Esperientzia beste erkidego autonomo batzuetara ere zabaldu zen, guztira adineko hogeita hamar zentro eta ehun tailer inguru osatzeraino, eta maila adinekok baino gehiagok parte hartu dute horietan, egoitzetako eta eguneko zentroetako profesionalekin eta 500 futbolari erretiraturekin batera, izan ere, bideoak dioenez, lagunak dira betirako.

“Gure lagun egoiliarrentzako omenaldia” izenburuko bideoan, FEAFVk eskerrak ematen dizkie futbolean oinarritutako erreminiszentzia tailerretan parte hartu duten adinekoei. Tailerrak Aita Menni Ahizpa Ospitalarioek kudeatzen dituzten Bizkaiko Txurdinagabarri eta Joxe Miel Barandiaran Egoitzetan hasi ziren martxan jartzen, —Bartzelonan eta Valentzian bi esperientzia pilotu egin eta gero—.

“Gure lagun egoiliarrentzako omenaldia” bideoa

Eduki hau kanpoko hornitzaile batean dago. Ikusi nahi baduzu, "Besteak" cookie-ak onartu behar dituzu Cookie-en konfigurazioan.

“Erreminiszentzia: futbol tailerrak” proiektuaren saria

Bideoa argitaratu eta gutxira, “Erreminiszentzia: futbol tailerrak” proiektuak “Kirolaren balioak” saria jaso zuen Kirolaren XL. Gala Nazionalean. Ekitaldia Teruelgo Los PLanos pabiloian egin zen, Espainiako Kirol Prentsaren Elkarteak (AEDP) eta hiriko Udalak antolatuta.

Ekitaldian futboleko pertsona ezagunak izan ziren, hala nola Vicente Del Bosque, Iker Casillas, Jose Antonio Camacho, Luis De La Fuente, Emilio Butragueño, baita Jose Luis Garci zinema zuzendaria eta Jesus Alvarez kazetaria ere.

Tagged with: , , , ,
Posted in Aita Menni