Errefuxiatuentzako arropa biltzeko kanpaina bat hasi du Txurdinagabarrin eta J. M. Barandiaranen

Arropa kutxatan Txurdinagabarrin

Aita Menni neguko arropa biltzeko kanpaina bat hasi du Greziako uharteetan beren herrialdeko gerratik ihes eginez errefuxiatuta dauden Siriako pertsonentzat. Gero eta pertsona gehiago heltzen ari dira esparruetara eta eremuan lan egiten ari diren erakundeen biltegiak agortzen ari dira.

Berokiak eta gizonezko oinetakoak behar dira. Emakumezko eta haurren arroparik ez da behar, zoritxarrez, emakumeak eta haurrak ez direlako bizirik heltzen esparruetara, eta Siria uzten duten gizon gehiago dira.

Aita Mennik Lighthouse Relief (Norvegia) eta Mo chara (Irlanda) GKEei eta  Proactiva (Espainia) itsas salbamenduko taldeei emango dizkie jantziak. Aita Menni Ospitaleko Solidaritateko buruak, Egoitz Zabala Sagarna, laguntzarik handiena eskatu du. “Neguko hotza gogor jotzen ari da Greziako uharteetako errefuxiatuen esparruetan”, azpimarratu du, eta eremuan lan egiten dutenek hau eskatu dutela adierazi du: “gizonezkoen arropa behar da, oinetakoak bereziki (42 eta 44 arteko neurrikoak), galtzerdiak eta prakak”.

Urtarrilaren 16ra arte Bilboko Txurdinagabarri eta Durangoko Joxe Miel Barandiaran egoitzetan eta Arrasateko Aita Menniko Ospitalean utzi ahalko dira arropak. Arropa helmugara urtarrilaren 22aren inguruan heltzea aurreikusita dago.

Tagged with: , , , , , ,
Posted in Aita Menni
0 comments on “Errefuxiatuentzako arropa biltzeko kanpaina bat hasi du Txurdinagabarrin eta J. M. Barandiaranen
1 Pings/Trackbacks for "Errefuxiatuentzako arropa biltzeko kanpaina bat hasi du Txurdinagabarrin eta J. M. Barandiaranen"
  1. […] Menni Ospitaleak guztira 18.560 kilo arropa jaso ditu neguko arropa jasotzeko kanpainan, Siriatik etorrita Greziako uharteetako eremuetan errefuxiatuta […]