Barandiaran Eguneko Zentroak belaunaldi arteko eta kultura arteko oroipen-programa bat garatu du

Apirilean eta maiatzean Durangoko Joxe Miel Barandiaran zentroko erabiltzaile-talde bat oroipen-programa oso berezi batean parte hartzen ari da. Ezaugarri berezi eta bereizle gisa, oroipenerako aukeratutako gaien bidez belaunaldi eta kultura arteko harremanak ere bideratzen ari dira. Horretarako, Manchesterreko irakasle ingeles gazte baten (Luke) eta prestatzen ari diren bi psikologoen (Irati eta Saioa) laguntza berezia dugu.

Oroipen-programa honek, urrutiko memoria suspertzeko oinarrizko helburuaz gain (kultura eta belaunaldi desberdintasunak dituzten pertsonek parte hartzen dute), beste helburu batzuk ere baditu, hala nola integrazioa bultzatzea, kultura-aniztasuna uler dadila sustatzea, autoestimua eta adinekoen gogo-aldartea hobetzea eta taldeekiko tolerantzia bideratzea.

Saio bakoitzean, jatorri eta belaunaldi desberdineko parte-hartzaileek beren iritziak eta ikuspegiak partekatzen dituzte zenbait gairi buruz, hala nola emakumeak gizartean duen tokiari buruz, gazteen aukerei buruz, une historiko bakoitzaren kultura-inguruaren elementu bereziei buruz eta abar. Taldeko kide guztiek bizitzako esperientzietan parte hartzen dute, belaunaldi eta kultura ikuspegi desberdinetatik.

Posted in Aita Menni