Nock Magoak aho bete hortz utzi gaitu Txurdinagabarrin

Aurten, beste behin ere, maiatza hilabete magikoa da Txurdinagabarri Egoitzarentzat, gure auzoan eta Otxarkoagakoan egiten diren Magia Topaketei esker.

Bilboko Udalaren Kultur Arloak antolatuta, hilabete honetan zehar Txurdinaga eta Otxarkoagako plaza publikoetan magia ikuskizunak izan dira, baita Otxarkoagako Udal Zentroan ere. Egoitzara ere bisitan etortzen dira, esaterako Mad Martin eta Gerard Magoa, edo Raúl Camagüey hemen egon zirenen bezala.

Topaketaren baitan, gainera, magia txapelketa egiten da, mundu honen inguruan interesa duten pertsonentzako hastapen ikastaroa, eta profesionalentzako seminario bat.

Pasa den hilaren 14an, adinekoen Txurdinagabarri Egoitzan Nock Magoaren ikuskizunaz gozatzeko aukera izan genuen, eta ilusionismorako duen trebeziarekin harrituta utzi gintuen. Nock-ek guztiari ematen dio, eta era guztietako trukuak egin zizkigun, objektu, material eta teknika oso anitzekin: gutunak, sokak, historiak kontatuz, marrazkiekin…

Publiko gisa aho bete hortz utzi gintuen, eta, gainera, magoak adineko pertsona, senide eta langileen talde eder bat atera zuen bere emankizunean laguntzeko, eta hori oraindik eta gehiago gustatu zitzaigun.

Magiaz betetako arratsaldea izan zen!

Nock Magoak aho bete hortz utzi gaitu Txurdinagabarrin Nock Magoak aho bete hortz utzi gaitu Txurdinagabarrin Nock Magoak aho bete hortz utzi gaitu Txurdinagabarrin Nock Magoak aho bete hortz utzi gaitu Txurdinagabarrin Nock Magoak aho bete hortz utzi gaitu Txurdinagabarrin Nock Magoak aho bete hortz utzi gaitu Txurdinagabarrin

Tagged with: , ,
Posted in Aita Menni