Residente y auxiliar en una de las Residencias de personas mayores de Aita Menni

Gure laguntza-eredua

Honako bi oinarri hauek dira gure laguntzaren inspirazio-iturriak:

  • Zahartze aktiboa
  • Pertsona, arretaren ardatz nagusia

Zahartze aktiboa

Osasunaren Mundu Erakundeak (OME) 1947an adierazi zuen osasuna ez zela gaixotasun-eza soilik, baizik eta ongizate fisikoa, emozionala eta soziala. Zahartzeari dagokionez, gabeziei eta desgaitasunei lotutako zahartze-prozesua ere kontuan hartuta, OMEk zahartze aktiboa proposatu du azken urteotan. Honako hauek dira zahartze horren alderdi nagusiak:

  • Osasuna
  • Segurtasuna
  • Parte-hartzea
  • Ikastea

Gure egoitza-zentroetan lau alderdi horiek zaintzen saiatu behar dugu, egoiliar bakoitzaren gaitasun-mailara moldatuta. Helburua beti izango da ingurune seguru batean osasuna sustatzea. Ingurune horretan parte hartzeko aukera emango diegu egoiliarrei, norberaren inplikazio-mailaren araberakoa. Horrez gain, garapen pertsonalerako aukera berriak eta esperientzia laguntzaileak proposatuko dizkiegu.

Pertsona, arretaren ardatz nagusia

2000. urteaz geroztik azpimarratu da pertsona ardatz nagusitzat hartzen duen zaintza- eta arreta-ereduaren garrantzia, adineko pertsonen bizi-kalitatea hobetze aldera (Beavis, D. y cols., 2002).

Arreta (zaintza) emateko eredu hori, pertsona ardatz nagusitzat hartzen duena, dementziadun pertsonekin ere erabili da (Van Zdelhoff, E. y cols., 2011).

Autonomia eta parte-hartzea dira pertsona ardatz nagusitzat hartzen duen arretaren oinarriak.

Prozesuaren erdian pertsona jartzen da, jakintza profesionalen eta antolaketa-beharren gainetik.

Pertsonaren dignitatea eta eskubideak uneoro errespetatu eta babestu behar dira.

Hori guztia egoitza-zentro batean lortuko bada, beharrezkoak dira honako hauek: malgutasuna, egokitzapena eta elkarrizketa jarraituak, doiketak etengabe egiteko. Beraz, laburbilduz, beharrezko metodologia garatu behar da, desgaitasunen bat duen pertsona helduak berak bere bizitzari eta bideragarriak diren helburuei buruzko erabakiak antolatu eta har ditzan, ahal duen neurrian.

Bestela esanda, laguntzaren funtsezko planteamendu orokorra zahartze aktiboa sustatzea da, pertsona ardatz nagusitzat hartuta eta parte hartzea bultzatuta.

Lan-metodologia

Diziplina anitzeko taldeak

Hainbat langile adituk osatzen dituzte gure taldeak. Profesional horiek lan bateratua egiten dute, egoiliarren behar fisikoei, psikologikoei, emozionalei, funtzionalei eta espiritualei erantzuteko. Honako hauek dira:

  • Medikuak
  • Erizainak
  • Psikologoak
  • Gizarte langileak
  • Laguntzaileak (zaintzaileak)
  • Fisioterapeutak
  • Okupazio-terapeutak
  • Aisialdiko monitoreak

Berrikuntza eta etengabeko hobekuntzak

Berrikuntzak egiten ditugu, kalitateko laguntza lortu eta hobetzeko. Horregatik, azken aurrerapen teknologikoak erabiltzen ditugu gure laguntza-ereduan, eta etengabe berrikusten ditugu gure ekintzak, gure jardunaren oinarriei jarraituta.

Gure zentroek ISO: 9001 ziurtagiria dute.

 

Icono de la certificación ISO 9001 de AENOR

Egoitzetan zaintzea

Egoitzetan arreta emateko zerbitzuaren helburua pertsona bakoitzari arreta integrala eta jarraitua ematea da. Besteren laguntza behar duten 60 urtetik gorako pertsonei zuzenduta dago, baldin eta egoitza batean era iraunkorrean edo behin behinean zain ditzaten behar badute.

Eguneko zentroetan zaintzea

Eguneko Zentro Psikogeriatrikoa sortu zen besteren laguntza behar duten pertsona zaharrei mantentze-arreta eta errehabilitazioa emateko. Horren bidez, hauxe lortu nahi da: adineko pertsonek beren familia-ingurunean ahalik eta denbora gehien jarrai dezaten, eta beraien maila funtzionala eta bizitzaren kalitatea ahalik eta handienak izan daitezen.

Adineko pertsonen zentroak

Arrasateko Aita Menni Ospitalea

Arrasate (Gipuzkoa)

Aita Menni Ospitalea

Teléfono: +34 943 794 411

[email protected]

Musakola Zentroa

Arrasate (Gipuzkoa)

Musakola Zentroa

Teléfono: +34 943 318 740

Centro de Día de Personas Mayores San Martín de Oñate

Oñati (Gipuzkoa)

San Martin Adineko Pertsonen Egoitza

Teléfono: +34 943 716 448

[email protected]