Adinekoak kantuan Villabonako Santiago Egoitzan

Villabonako adinentzako Santiago Egoitzako ekintzen programazioaren barruan, orain dela gutxi Donostiako Nagusilan Abesbatzaren bisita hartzeko zortea izan dugu, zeinak musika onez eta alaitasunez bete zituen gure instalazioak.

Nagusilan Gipuzkoa irabazi asmorik gabeko erakunde bat da, 1995ean sortua, eta batez ere aurre-erretiratuak, erretiratuak eta etxekoandreak elkartzen ditu: euren denboraren zati bat adineko pertsonak zaintzen ematen dute, bereziki ahuldade edo bakardade egoeran daudenak. Nagusilan laguntasun eta entretenimendu ekintza ugari egiten ditu adinekoentzat, eta hainbat abesbatza eta antzerki eta dantza talde ditu, zahar etxeak askotan bisitatzen dituztenak.

Zuzendariak oso ongi koordinatuta, donostiar koruak –15 lagun desplazatu zituen– profesionalen kalitatearekin xehatu zituen errepertorio zabal eta atsegina, Espainiako eskualdeetako askotariko abestiekin; ondorioz, oroitzapen ugari eta oso politak piztu ziren Santiagoko egoiliarren artean.

Emanaldiak txalo zaparrada eragin zuen, eta Egoitzatik eskerrak eman nahi dizkiegu Nagusilaneko boluntarioei euren dedikazioagatik, modu guztiz altruistan, adinekoen egunerokotasuna atseginago bihurtzen dutelako, eta Villabonara joateko ahalegina egiteagatik, euren musikaz gozatu genezan.

Tagged with: , ,
Posted in Aita Menni